Thursday 10 December 2009

جنبش جندالله : حاجی حکيم شيروزی اطلاعات ءِ رازاں گواه کنگ انت..



جنبش جندالله ماں شنگ کتگيں جارے حال دات که جنبش ءِ سرمچاراں چارشمبه ءِ روچ ءَ حاجی حکيم شيروزی ناميں حکومتی جاسوسے ءَ دستگر کرت. حاجی حکيم شيروزی حکومتی چگلانی سروکے که گوں حکومتی چگلی اداره (اطلاعات) ءِ بازيں رازے گون انت.شيروزی ءَ ر ند چه دستگر بيگ ءَ وتی ءُ اطلاعات بازيں راز ءُ چيروکايی پلينڈی ياں گواه کرت. بلوچ سرمچاراں مهتل نه بوتنت ءُ په دگه چگل ءُ جاسوسانی دستگر کنگ ءَ سئے جاگه ءَ هگراش کرت بلے
بــُزدليں جاسوساں، سرمچاران ءِ پيش پاد ءَ چه وتی چيرءُ پناه بيگ ءِ جاگهاں ءَ جستگ اتنت.حاجی حکيم شيروزی لهتيں چگلانی نام پاشگ کرتگ ءُ اے بلوچ دژمنيں چگل هنگت ءَ جست ءُ پـُرس بيگ انت...

Friday 20 November 2009

ایران ءِ چگلی اداره یان ءِ پروش



ایران ءِ چگلی اداره یاں چه شهید عبدالواحد ءِ جانفدا هلگر ءَ هما پروش وارت کهانگت ءَ چه بلوچ سرمچارانی بیم ءَ لرزگ ءُ هبکّه انت
.آ لوٹنت هنوں پیش بدارنت که چه باز گپ ءُ هبر سهی انت. جلال سیاح نامیں چگلـے

که "معاون امنیتی استانداری " انت گوں دولتی حالرسان ایسنا ءَ گشت که: پیشن ءِهلگر ڈنی واکانی کار اَت.

اے گستاه ءُ بلوچ دژمنیں رستر آدگه جاهلیں حکومتی واکدارانیپیما په مردمانی ریپینگ ءَ بازیں دروگ بست ءُ گشت که شهید عبدالواحد گوں تبلیغ جماعتی یان
هور بوتگ ءُ ماں سرحد (پشتونستان) ءَ سلهبندی جنگ بلد کنگ بوتگءُ ....


رستریں جلال سیاحءُ ایران ءِ آدگه چگل ءُ اطلاعاتی هچبر نزاننت که زهرکنیں بلوچ سرمچار ءِ تیرکدین ءُ کجاءُ چوں آهاں لگنت.

بلئے ایشی ءَ زانگ انت که بلوچستانءِ هچ جاگهے په آهاں امن نهنت .

واجه عبداالمالک ريگیءِ شش (۶) شرط



واجه عبداالمالک ريگی جندالله ءِ سروک ماں بيانے ءَ جار جت که په شش (۶) شرط ءَ تيارانت که سلهبندين جد ءُ جهد ءَ ماں بلوچستان ءَ باوشتارينيت. ورنائيں ريگی ءِ شرط ايش انت:
۱ـ بلوچ کوم ءِ لٹ کٹ ءُ کشتار بند به بيت
.۲ـ بلوچ سياسی بنديگان ءُ تمامين سنی بنديگاں آزات به بنت
.۳ـ بلوچ بنديگانی پاهو ءُ چيروکايی کشتار ماں بنديجاهاں اوشتارينگ به بيت
.۴ـ بلوچ کوم ءِ دود ءُ ربيدگ (فرهنگ) ءُ نيکراه (مذهب)ءَ بے احترامی مه بيت
.۵ـ سپاه پاسداران گوں تماميں بنجاهاں چه بلوچستان ءَ درکنگ به بنت
.۶ـ بلوچ سياسی هوربند ءُ اجتماعی چست ءُ اير آزات به بنت
.جندالله ءِ سروک ءُ گوشتگ که اگاں ايران ءِ حکومت اے ششيں شرطان پوره بکنت گڑا جندالله ءِ سرمچاران وتی سلاهان ائير کننت

Monday 16 November 2009

میر بالاچ مریءِ شھمیریءِ دئومی سالروچ دارگ بیگا إن


بلوچ شھمیرانءِ سالار میر بالاچ مریءِ شھمیریءِ دئومی سالروچ دنیاءِ أواریں کنڈاں دارگ بیگا إنت۔ خاصیں دیوانے ماں مشرقی بلوچستانءِ بنجاھی شھر کوئٹہءِ دمگ نیوکاھانءَ 19 نوامبرءَ برجم دارگ إبیت۔

إیشیا أبید مزنیں دیوانے مان أمریکاءِ شھر واشنگٹن ڈی سیءِ نشنل پرئس کلب شہ بلوچستانءِ أمریکائی دوست نامیں گلےءِ نیمگا سرجم کنگ بیگا إنت۔ إے دیوانا واجہ أحمر مستی خان سرکشی کنگا إنت و بھر زیروکیں مھمانانءِ نیاما سیاسی و چاگردی شھزانت گون أنت۔

واشنگٹنءِ دیوان 21 نوامبرءَ صحبءِ کلاک 10 تا بیگاہ 6ءَ دارگ بیگا إنت۔ خاصیں ترانکار واجہ سلئگ ھئریسن، إسماعیل أمیری، پروفسر گل آغا، داکٹر ظفر بلوچ دگہ لھتے گچینی کوّاس أنت۔

گڈی خاصیں دیوان ماں لندن یونیورسٹی یونینءِ ماڑیا شہ سئے ٹولیانءِ نیمگا ھؤریا برجم دارگ بیگا إنت۔ برجم داروکیں ٹولیانءِ نام 'بلوچ یومن رائٹس کونسل، بلوچستان رائٹس موومنٹ و ورلڈ سندھی کانگرس' أنت۔

لندنءِ دیوان 22 نوامبرءِ بیگاہ کلاک 1 تانکہ 4ءَ بیگی إنت۔ گوں إے دیوانا سریں جھدکار تران کن أنت۔ خاص واجہ صمد بلوچ، واجہ فیض بلوچ و واجہ حلیم بھٹیءِ نام ودی أنت۔

شھمیر بالاچ مری گون پاکستانی فوجا یک دیم پہ دیمی جنگےءِ درگتا مشرقی بلوچستانءَ 21 نوامبر 2007ءَ جنگ بیتگ أت۔ میر بالاچ مریءِ گوں پاکستانی فوج مڑگءِ مقصد بلوچستانءِ آزادی أت۔

Saturday 14 November 2009

دگرانءِ آسا پیلوشتگین فیض بلوچ و میر مری- چمشانک: ولید گربنی


لندنءَ ماں 4 دسمبر 2007 میر خیر بیار مری و واجہ فیض بلوچءِ دستگیری، پدا آوانءِ سرا 10 بھتان، ھشت ماھانءِ بندیگی و دو ماہ دراجکشیں دادگاھیءِ ذموار بے علم و جزباتی شاگرد، و غیر ذمواریں حالکاری أنت۔ أگر کموکے گيئشتر خیال گور کنگ بیتیں أت، گڈا إے واجھکاریں راجی جھدکار دگرانءِ روک کتگیں آسا إنچوک نہ ستکگ إتنت۔


بلوچ راجءِ توکا أخباری بیان دیگ و بٹاگ جنگءِ شوقا ھنچوش روتگ جتگ کہ إیشیءِ سببا ماں وتی لوگاں نشتگیں جاهل و کاهل ھم لیڈر جوڑ بیتگ أنت۔ أچ إیشاں بازیں کس کتابے وانگا نہ زانت و أگر زانت، گڈا نہ وانیت، و أگر وانیت، گڈا ھما کتابا کہ آئیءِ ندکارءِ جندا چشیں مطالعہ نہ بیتگ کہ قابلیت ئی ماں کتابءِ توکا ودی بہ بیت۔


أچ ھمے جاھلاں بازیں کس وتی تاریخا نہ زان أنت۔ أگر زان أنت، گڈا گوں پاکستان خان قلاتءِ دستا بلوچستانءِ إلحاقا و أچ آئی پیسر میر غوثبخش بزنجوءِ تران ماں قلات ریاستءِ پارلمنٹا؛ بس همنچوک زان أنت۔


ھمے خان قلاتءِ رندتری کارپداں نہ زان أنت، غوث بخش بزنجوءِ جھدءِ دربرگا واھوک نہ أنت۔ ألبت أگر کسے میر غوثیءِ باروا گيئشتر زانگ بہ لوٹیت، آئیا دربرگی ھچ چیز نہ رسیت۔ بزاں ھچ یکـّےءَ أچ حالتاکی لیڈراں إے ضرورت نہ مارتگ کہ راهدربر و جهدکارانءِ داتگیں قربانیاں نز بیاریت و کتابےءِ دروشما شنگ بہ کنت۔


ھنچوش گش أنت کہ بلوچستانءِ توکا مزنیں مزنیں سیاسی لیڈر بیتگ و لھتے أنگت ھست أنت۔ ھستيں لیڈراں بازینےءِ پاد ماں قبرء دپا أنت و مرو باندا کنگا أنت، بلے إیشانءِ شاھکارے تنے وھدی پہ بلوچ اُستمانءِ راھشونیا دستا نہ کپیت۔ إیوکا یک و دو دانـَگ بلوچ حالکار أنت کہ پہ وتی راجی ذمواریا یک دو سرحالانءِ سرا چار کتاب إش نبشتہ کتگ۔


ھنـّی بلوچ گون دو زوراک و ماڈرن فوجاں دیم پہ دیم أنت۔ إے وڑیں وھداں بلوچاں أچ ھر چیزا گيئشتر میاں اُستمانی ھمدردیءِ ضرورت إنت و ھمے ھمدردی باندا روچ بدل بیت و کمک جوڑ بیت کنت۔ پمیشا أچ حدّا گيئشتر ضروری إنت کہ بلوچ سیاسی لیڈر، جھدکار، حالکار و حالتاک میاں اُستمانی مارشتاں سرپد بہ بنت۔


دَریں راجانءِ؛ خاص مغربی راجانءِ مارشتاں زانگ و آوانءِ خیالا گوَر کنگ أچ ھر کسا گيئشتر پہ بلوچءِ جندءِ عاقبتا سک ضروری إنت۔ باید إنت کہ بلوچ إیشانءِ نیمگا پہ دوستی وتی دستاں بہ شھارت أنت و إیشانءِ دوست بیگءِ بنیادی ضرورتاں سرپد بہ بنت۔ وتی گاماں پہ گوم إیر کنگ و خبراں پہ حساب کنگ بلوچ راجءِ بانداتءِ مدامی رُژنا بلینت کنت۔


غیر ذمواری، إشتاپکاری، جزباتی بیگ و سر وت رپٹگ بلوچءِ جھدا راجانءِ دیما سبک پیشداریت و دنیا بلوچاں غیر سجیدہ لیکیت۔
باید زانگ به بیت کہ ماڈرن ملک ھما راجاں وتی رما قبول کن أنت کہ آوانءِ ھر مڈ ّیءِ بُنھشت گوں سائنسی دئورا دپ ماں دپ بہ کپیت۔ آواں سیاسی گل بہ بیت و گلانءِ پروگرام سائنسی بہ بنت۔ آوانءِ لوٹان درائیں تشریحے بہ بیت و گپانءِ سرکچ دیگا کورٹ و قاضی یے پکار مہ بیت۔


نیں کہ میر خیربیار مری و واجہ فیض بلوچ أچ دگرانءِ کتگیں بازیں ناسرپدیانءِ آماچیا رکـّتگ أنت، باید إنت کہ چدا رند سرپد تریں بلوچانءِ ٹولیے پہ إیشانءِ راہءِ ڈگر و دارانءِ دیر کنگا پیش پیش بہ بیت۔ گوں إے وڑ کنگا بُرزا نام گپتگیں سائنسی ضرورت ھم پیلو إبنت۔


Rights reserved by http://www.balochinews.com/

اَدھے تو اَدھے من، نہ؛ کپّے تو کپّے من! وش گپی: ولید گربنی

بلوچی نیوز وتی زیگین تبصرہءِ تؤکا وتی زبانءِ نیمگا بلوچانءِ نادلگؤشیءِ سرا دل پدردی درشان کتگ اَت۔ اؤدا یک نقطوے کہ دیگ بیتگ اَت، آ بلوچانءِ دؤستی گؤن اردو و فارسیءَ اَت و گشگ بیتگ اَت کہ چہ آ زبانانءِ گپ کنؤکان بلوچ گامے پہ آوانءِ دیئما برگا دیئماتر اَنت۔ پدا ھمے گپءِ ھمدرورین جُستے نامدارین بلوچ جھدکار واجہ احمر مستی خان گتگ اَت۔ آئی اردو بتل "شاہ سے زیادہ شاہ کا وفادار"ءِ ھمدرورین بلوچی بتلے شؤھازیگ اَت۔
یے وھدی منا ھچ چشین بلوچی بتل یاد نہ آیگا اِنت، بلے بیت کنت کہ ھمشیءِ جند بلوچی یے بہ بیت۔ چیا کہ بلوچی چہ اردو کوئھن تر اِنت و اردو پنڈؤکین (بھکاری) زبانے اِنت. شاید یے بتل چہ بلوچیءَ دوزگ و آوار جنگ بیتگ۔ اشیءِ بلوچی درؤشمءِ برجاه آرگا بس "سے" گالءِ بدلا بلوچی "چہ" دیگ بہ بیت و "کا"ءِ بدلا بلوچی "ءِ"، گڈا جؤڑ بیت "شاہءَ چه زیادہ شاہءِ وفادار"۔ البت اگر اؤپار مہ رؤت و گالانءِ ردء بندءِ سرا مردم راضی مہ بیت گڈا بس"چہ" گال چہ " شاہءَ" پیئسر برگ به بیت۔ سک سادہ اِنت؛ یا نہ؟
‏ھمے چست ئیرانءِ تؤکا منا چیزے رؤچان پیئسریگین یک حبرے یاد آتک۔ اؤدا من یک دراجکشین سیاھگے نبیستگ اَت۔ گڈا مئے سنگتےءَ چہ سرجمین نبشتانکءِ نقطہ و سرحالا یک گالے گچین کت و ھمشی ما دوئیان چست ئیر کت۔ پدا من دیست کہ ما جاھے رسگا نہ اِنت، گڈا من شکست منّ اِت و وتارا چہ واجہءِ ڈؤبارگان رکّینت۔
نین بازین کس زانگ لؤٹ اَنت کہ یے گال کجا یک اَت! بہ گشان کہ اِشی انگریزیhuman گال اَت۔
من بلوچی آبان اِشی "یومن" نبیستگ اَت و مئے واجھ گشگا اَت کہ اشی "ھیومن" بہ بیت۔ من دلیل دات کہ یے گالءِ تؤکا انگریز "ھ"ءِ توارا نہ کشّ اَنت۔ مئے دؤستا انگریزانءِ نیاما وتی 30 سالءِ زندگیءِ دلیل دات و گشت کہ یے سالان آئی ھچبر نہ اشتکتگ کہ انگریز "ھیومن"ءَ "یومن" بہ گش اَنت۔ وتی دلیلءِ منّینگا واجہءَ منا ڈکشنرییے لنکے ھم دات۔ من چارت و دیستان واجہ راست گشگا ات۔
نین گپ ادا یے نہ اِنت کہ من پہ وتی دلیلءِ منّینگا گيئشتر زؤر پرچا نہ جت و چہ مشرقی لندن لھتے "کوکنی" گپ جنوکانءِ حبر ضبط نہ کت، و پہ واجہءَ دیئم نہ دات اَنت؛ گپ اش اِنت کہ آخر بلوچےءَ پرچا انچو نقطہ و گپ ڈالچار کت اَنت و یک درین گالےءِ توارءِ سرا په بحث کنگا دست ئیر کت؟
البت یوکا ما نہ انت کہ گالان چست ئیر کن انت۔ دگہ ھم بازین ھست انت چؤکہ مدتے پیئسر امریکائی صدر مزنین بش و یک دگرےءِ نیاما زمینی سیب "potato"ءِ گالوارءِ سرا بحثے یاد آتک۔ یکّےءَ گشت "پوٹاٹو" اِنت و دگرےءَ گشت "پوٹئٹو" اِنت۔ مئے و دگرانءِ نیاما بس فرق اش اِنت کہ دگہ وتی گالان لیئس پلّیئس کن اَنت و ما دگرانیان!

مارا چارگ لؤٹیت کہ ما بلوچ وت زبانء دیئما برگا چے کنگا انت؟ ولید گربنی



بازین مدتےءَ رند زرمبشءِ بلوچی نبشتانکے گندگ بیت۔ واناک اَت، بلوچی ءَ ات؛ چم سارت بیت اَنت۔ بلے آئیءِ تؤکا داتگین حبر ھما کوئھنین گلہ و زاری، و سرکارانءِ ڈؤبارگ!


راستے! تناوھدی سیاسی زؤر ھست، آ دگہ تکان ھم چه سرکارانءِ نیئمگا کار بیت نہ کنت. انچؤک سالانءِ زؤراکی شؤن دے اَنت کہ سرکاران وتی پاد میخ کتگ اَنت ونزیکین آیندوا ظلم زؤر وتی جاگوا پشت کپ اَنت۔ خاص لبزانکءِ پڑا چہ سرکارانءِ نیئمگا کسانترین ریایتے رسگءِ امید نیست اِنت۔


پاکستان و ایرانءِ سرکارانءِ دستا بلوچی زبانءِ ڈالچاری وتی جاگوا وا برجاہ اَنت؛ چارگ پہ کاراِنت کہ ما بلوچ وت پہ وتی زبانءِ زندگ دارگ و دیئما برگا چے کنگا اِنت؟


گندگ ھنچؤ بیگا انت کہ مروچی بلوچ ندکار، خاص سیاسی گلانءِ رندگری کنؤک فارسی و اردو زبانانءِ خدمتا چہ آ زبانانءِ جندءِ گپ کنؤکان انگت دیئما تر اَنت۔ ھنّی کہ انٹر نٹءِ سھولت ھست اِنت و ھچ مال و زرّے پہ شنگ کنگا نہ گر اَنت، پدا ھم بلوچی نبیسؤکان ما نہ گندگا اِنت۔ ھر مرد ویبسائٹےءِ واھوند اِنت، کسے ھست بہ گشیت کہ چنچوک چہ اشان بلوچی زبانءَ دیئما برگا اَنت؟ سیاسی گل کہ راجی مارشتان زندگ دارؤک و ردوم دیوک اَنت؛ چنچوک چہ اشان بلوچی نبشتانک شنگ کنت؟


چہ وت بلوچیءَ چیزے نبیسگ و شنگ کنگ وتی جاھا، دگرانءِ نبشتانکان شؤھاز کنگا بل؛ چؤ منینے کہ چیزے نبیسیت و شنگ کنت، اشیا وتی وبتاکان پہ وتی وبتاکانءِ وانؤکان لِنک دیگءِ بدلا وتی ھردچاریءِ پؤستا گورا دے اَنت و ڈالچار کن اَنت۔ چہ اشان جست کنگ بہ بیت کہ آخر شما چونکا بلوچی زبانءَ رُشت دات کن اِنت؟


اگر گؤن سرمبچاری؛ گڈا بہ چارت کہ تاریخ شاھدی دنت کہ تنگ نظرین مردم دیئما نہ شتگ اَنت و نے ھچبر رؤ اَنت۔ بے بلاہء بلوچستان و بلوچ راج؛ ھردچارین و وتگڑین زانوگر کہ چہ یکا دگرءِ زھرا مان دلان کولکوچ اَنت، وت وا گار و گمسار بنت ھؤریا راجءَ تباہ و سرڈگارا هم باھین اَنت۔


یے پھکین گپان کنگا رند چہ سیاسی و چاگردی جھدکاران یے دسبندی کنگ ضروری اِنت کہ پہ وتی لبزانکءِ دیئمروی کار بہ کن اَنت۔ خاص چہ راجی زرمبش مردم ھمے واھگ کن اَنت کہ کما چہ کمتر ھمے 'بلوچستان ٹی وی'ءَ وانتگین حالانءِ سیاھگان شنگ بہ

کن اَنت۔ اشانءِ سرا بلوچ وانوکانءِ چم کپ اَنت، ھمشی وت یک بلاھین ثمرے دنت۔ ۔


بلوچی سبز و بلوچستان آزاد و آباد بات۔


Wednesday 4 November 2009

عیدوخان ریکی ءُ عبدا لمالک ریکی


بلوچستان ءِ ھما بھر کہ مروچی ایرانی مردکان ءُ جنینکانی لگتانی چیرا انت پیش چہ ٨١ سال ءَ وتسر ءُ آزاتیں ملکے بوتگ ءُ ھر دمگے ءَ یکّے ءَ بادشاھی کتگ .رند چہ جنگ جھانی اول ءُ دوم ءَ عُسمانی امپراتوری ءِ پروش ورگ ءُ کمونیست ءِ سِرّ ءُدور ءُ نپت ءِ درگیجگ ءَ دنیاءِ آ دور ءِ زورمنداں چو کہ انگریز ءُ آ دگراں نوکیں کِشک کشان کت ءُ پہ وتی نپ ءُ سوت ءَ نوکیں ملک جوڈینت ءُ بلوچستان گوں آیران ءُ رندا پاکستان ءُ اوگانستان ءَ بھربھر کت . وھدیکہ انگریز ءَ ایران جوڈینت رضا پالامی کہ ھما میر پنچ ببیت ایران ءِ بادشاہ کت ءُ وھدیکہ آئی ءَ گوں انگریز ءَتِرِّ پہ کُسی کت ءُ ھیتلر ءِ رند ءَ کپت آئی گپت ءُ جزیرہ موریس ءُ رند ءَ اپریکہ ءَ دور دات کہ ھموداں مرت


سال ١٣٠٧ ھجری شمسی ءَ بلوچستان گوں ھپت ماہ جنگ ءُ چوپ ءُ گُڈ سر ءَ پہ قرآن ءِ رپک ءُ مندر ءَ کہ پہ دوست محمد خان ءَ دیم دیگ بوت ءُ آ بامرد ءَ رد وارت رضا پالامی ءِ دست ءَ دیگ بوت .پہ دوست محمد خان ءِ ھکومت ءِ پروش دیگ ءَ عیدو خان ءَ مزنیں نکشے ءَ لیب ءُ گوازی کتگ . جھانبانی کہ رضا پالامی ءِ پوجی کمانڈر ات آ نبیسیت اگاں عیدوخان ءِ کمک ءُ مدت مبوتیں ما ھجبر مکّران ءِ گرگ ءَ کامیاب نبوتیں . البت عیدو خان ریکی پیش ءَ گوں انگریزاں ھور بوتگ ءُ ھمایاں رضا پالامی سرسوج کت کہ آ بامرد ءَ گوں وت بزورانت . ءُ ھُچش ھم بوت . جھانبانی ءَ وتی جنک گوں عیدوخانءِ بچک ھوشنگ ءَ سانگ دات . بزاں بھادُّریں بلوچ ءِ بچ پہ پارسی ..... ءَ.بھا بوت. ایش ات بلوچستان ءِ سَّٹ ءُ سوداءُ داد گیر


رضا پالامی ءُ آئی ءِ گریواسکیں بچ محمد رضا ءِ وھد ءُ باریگ ءَ بلوچ گلامی ءِ زمزیلاں بندگ بوت انت . آیاں وتی لانک پہ بلوچی زبان , راجدپتر ءُ دود ءُ ربیدگانی گار دیگ ءَ بست انت ءُ لھتے دپ چَٹّ ءُ چمکُٹیں بلوچ وتی گلام کت انت کہ اے کار ءَ شرتر دیم ءَ بہ بر انت . آ گلامانی چکّ ءُ نماسگ دنیگا پارسیانی رند ءَ کپتگ انت ءُ گلامی ءِ زمزیلاں لونجان انت.پھلوی پادشاھی ھلاس بوت ءُ کوریں خمینی ءِ دور بنگیج بوت ءُ بلوچ ءِکشت ءُ کوش گیش بوت


البت گوشگ لوٹیت اے ٨١ سال ءُ مدّت ءَ بلوچ مدام گوں گجراں جنگ بوتگ انت ءُ ھچبر بلوچستان امن ءُ امان نبوتگءُ دانکہ انگت ءَ ھنچش انت . نرمزاریں بلوچاں پارسی جتگ ءُ کشتگ انت .ءُ پارسیاں وتی پیشی گلامچُّک پہ آیانی جنگ ءُ گاردیگ ءَ دیم ءَ کتگ انت . دور آتک ءُ پہ عبد آلمالک ریکی ءَ سر بوتگ کہ پہ مردانگی یک دستیں خامنہ ای ءِ پاسداراں کشگ ءُ ریچگ ءَ انت . یکشمبے ١٨ اکتوبر ٢٠٠٩ ءَ عبد الواحد سراوانی ءَ وتءَ بمبے بست ءُ پیشن ءِ دمگ ءَ پاسدارانی بازیں رمبے بزاں گیش چہ یکسد کشت ءُ بازینے ٹپّی ءُ زدگ کت انت .پیش چہ اے کشت ءُ کوش ءَ آئی ءِ پیشی جنگ چوپ شاھیاں پہ وت زرت انت کہ مئے سرمچار انت کہ اے کاراں کنگ ءَ انت . بلے رند چہ پیشن ءِ پاسدارانی کشگ ءَ گریواسکیں محمد رضا ءِ بچ بے تاجیں رضاشاہ دوم ءَ جار جت کہ عبدالمالک ءَ شریں کارے نکتگ کہ پاسدار مئے برات ءُ آزیز انت


ھما شاھیاں کہ عبدالمالک ریکی گوں لھتے بلوچیں گلاماں آزمان ءَ رسینتگ ءُ سرکتگ ات مروچی گوں وتی درانڈیھیں مرشد ءَ دپ یکےّ کتگ کہ ھو ریکی ءِ اے کار ناھودگیں کاریں ءُ ما آئی ءَ ایرجنیں. جنگ ءُ چوپ بلوچانی جنجالاں گیش کنت .پہ تیر ءُ تپنگ ءَ ھچ کار شرّ نبیت . اے بزگّیں گلاماں شمشتگ ھمے تیر ءُ تپنگ ات کہ صدام ھاکاں دور دات , ءُ تالبانی ھکومت چپّی بوت . رضا پالامی ءِ تیر تپنگاں بلوچستان ءِ آزاتی ھلاس کت . بلے ھنوں کہ بلوچاں سلاہ چست کتگ ءُ پاکستان ءُ ایران ءِ ھلاپ ءَ پہ بلوچستان ءِ آزاتی ءَ جنگ ءَ انت گوں ھامگیں دپاں پارسی رادیو ءُ تی وی اں پوتاری کن انت کہ بلوچ امن پرست انت .ءُ ریکی رد انت .پارسیانی گلامُکاں شمشتگ کہ تیرءُ تپنگاں یوگسلاوی ٹُکّرٹُکرّ کت . تیرءُ تپنگ ات کہ اریترہ آزات کنگ بوت . ایرانی ءُ آوانی بلوچیں گلامُک شرّ زاننت اگاں بلوچ کرد ترک عرب ءُ ترکمن ءُ لُر تپنگ دست ءَ بگر انت ایران پشت نکپیت ءُ ھما ٨١ سال پیش ءِ پارس ھم نہ مانیت . گلامُک چہ بہ منّ انت چہ ممنّ انت ایران ءِ مرک نزیک انت
ایرانی ملا کہ سی سال انت کہ بادشاھی کنگ ءَ انت اگاں آ ناچار ببنت کہ پدا مسیتاں بروانت ءُ بانگ ءُ سلات بکن انت جنگ ءَ وت مچیّننت ءُ ایران ءِ پرشت پروشءِ راہ ءَ وت ساپ کن انت ءُ آئی ءِ نشانی پیداورانت.


چہ عبدالمالک ریکی ءَ دزبندی انت کہ اگاں پیش ءَ پہ دید ھلکاں گوں ایرانیاں چوپل گوازی کتگ چہ آوانی رند ءَ بہ ترّیت ءُ بلوچی ءِ راستیں کشک ءَ بیئت کہ سوت ماں شکلّیں جنگاں انت . چہ پارسیانی بلوچیں گلامُکانی رند ءَ پچ بترّیت . آ گوں وتی سرمچاراں گوں رودراتکی بلوچستان ءِ سرمچاراں ھور ببیت ءُ پہ مزنین بلوچستان ءِ آزاتی ءَ دیم ءَ روان ببیت. پہ بلوچستان ءِ آزاتی ءَ بلوچاں دوزواہ ھست اںت .آ کس کہ نچاری کار ءَ ھمتنگ نہ لڈیّت بار ءَ جزماں کہ کپیت ماں گارءَ


پرشت پروش بات انت ایران ءُ پاکستان

آزات بات مزنین بلوچستان
علی رئیسی


Tuesday 3 November 2009

مشرقی بلوچستان؛ ٹرافک کزایےءَ 7 فٹبال لئیبی کشگ بوت أنت


ماں خضدار بیوکیں لئیبےءَ سرجم کنگا رند دیم پہ قلات روگءِ درگتا قلات فٹبال ٹیمءِ لئیبیانءِ گاڑی ٹرافک کزایےءِ آماچ بیت۔ إیشیءِ سببا 7 لئیبی و یک دگہ کسے کشگ بوت أنت۔ إیشانءِ کشا 12 کس ٹپـّی أنت۔

روچتاک إنتخابءَ شنگ بیتگیں حالا داتگ کہ سورابءِ نزیکا فٹبال ٹیمءِ گاڑیا گوں دگءِ کشا اوشتاتگیں یک خرابیں گاڑییےءَ ڈیک وارتگ۔ کشگ بیتگيں مردمانءِ نیاما قلاتءِ نامداریں حالکار محمود آفریدیءِ براتزھگے ھم ھؤر إنت۔

إے کزاءَ کشگ بیتگیں مردمانءِ نام عطاءُ اللہ چکءِ سوات خان، ساجد حسین چکءِ محمد حسین، سلیمان چکءِ ماسٹر مجیب، ماسٹر محمد کریم چکءِ رحیم بخش، علی أحمد چکءِ عبدالصمد، محی الدین چک قاضی عبدالستار و پولیسءِ کمکاریں إنسپکٹر سیف اللہ شنگ کنگ بیتگ أنت۔

مشرقی بلوچستانءِ وزیر سردار إسلم بزنجو و سر وزیر أسلم رئیسانیءَ کشگ بیتگیں مردمانءِ کٹمانءِ دیما وتی دلپدردی درشان کتگ أنت۔ آواں شہ نادراھجاہءِ کارمنداں لوٹ کتگ کہ ٹــپّیانءِ چارگ وارگا نزوری مہ کن أنت۔

Monday 2 November 2009

بــلــوچ ءَ سـَـلام


بــلــوچ ءَ سـَـلام


لـَـک شـَهید ، لـَـک بیل و لـَـکیں ماه و روچ

کــَنــت سـَـلام دُردانـَـگــیــں پـَر تـو بـَلــوچ

مــاه و اِسـتــاراں و پـَـؤر ، داں روشن انت

نِــیــر ءَ زیر انت هـَـاک ءَ تـئـیـگ ءَ و گــروچ



پــَـهـــر په سَـر بــُـرزاں و پـُر زانــتــاں بیت

روژنــا ژیــمــبــیــں شـَپ هـم مهکان بیت

داد تــرا راجــدپــتـــر و راجـــاں چــه گــوں

هـَـاک تــرا مهر انت و مِـسـک ءِ جـان بیت



زنــدمـان جــهــدانی لـَـکی یـیـں بـَـر انت

پـَـهــر اُمـیـت انت و زِهـاں و اِســپَــر انت

زانـت شـَپــانی شَپ چـراگ و انـگـَر انت

زانت تئی دوزواه و پـُشت انت و سَر انت



تـاج تـرا نـام انـت نـیـکـیــں ، هـَـاک و آپ

اِسپـَـر ات مردی گوں داته ، زهم ءَ چاپ

بـــیـــرک اِت روچ روژنــایــیــں نــیــل تـاپ

مـَردی اِت کــوه انــت بـُرزیں ، کـوه کاپ



دَپـتـر ات جـُهـد انـت و راهــانی دَر انت

راه تئی مردی ، تـئـی زانت ءِ شـَر انت

چَـمّ تـئـی بـانـزانی دیـر گِندیں چـَر انت

هم سپاه اِت بــے بـهـا ، بــے دَروَر انت


داں زمانگ هست ، سَربُرز بات ئـے تو

روژنـــا ، آبــات ، آزات ، شــات ئـــے تو

مـهـلـب . کـنگر ، دوئـیـں یکزات ئـے تو

په نزانتکاریں بداں ، شـَهـمـات ئــے تو


او بـلوچ ! پَهر په جهان بات ئـے مـُـدام

زندگاں دراهیں جهان کنت انت سَـلام

رَه گِـر و رَه پـول ، مـنـزل جـَنـت شــام

دیر نه انت ٹِک دَنت پتو هم سوبءِ بام


لـَـک شـَهید ، لـَـک بیل و لـَـکیں ماه و روچ

کــَنــت سـَـلام دُردانـَـگــیــں پـَر تـو بـَلــوچ


کریم بلوچ _ تـَهـل

شَلـْـگـُـم


چـُـکانی دیوان اُرُس ءِ گیدی آزمانک


ترینـــــــوک : کریم بلوچ _ تـَهـل


شَلـْـگـُـم


پیـرُک ڈگار ءَ شَلگُمے کِشت . شَلگُم رُست و مَزَن بیت

پیرک لوٹـِت که شَلگم ءَ چه ڈگار ءَ به گـُـوَج ایت ؛ کـَشّ اِت و هرچی زور ئی جَت و کـَشّـِت ئی ، گـُـوَتک ئی نه کـُت

پیرک تَوار کت بـَـلـّـُک ءَ که آئیا مَـدَت بکنت .


بلّـُک گِپت پیرُک ءَ ، پیرُک گِپت شَلگُم ءَ ؛ هرچی زور اش جَت و کـَشّت اش ، گوتک اش نه کت .


بَلـّک توار کت وتی نواسگ ءَ که آهان ءَ مَـدَت بکنت . نواسگ گـپـت بلک ءَ ، بـلّــُـک گِـپـت پـیـرُک ءَ ، پیرُک گِپت شَلگُم ءَ ؛ هرچی زور اش جَت و کـَشّت اش ، گوتک اش نه کت .


نواسگ توار کت وتی کـُچَکـُک « ژوچُک » ءَ که آهان ءَ مَـدَت بکنت . ژوچـُـک گِـپـت نواسگ ءَ ، نواسگ گپت بلک ءَ ، بـَـلـّـُک گِـپـت پـیـرُک ءَ ، پیرُک گِپت شَلگُم ءَ ؛ هرچی زور اش جَت و کـَشّت اش ، گوتک اش نه کت .


کـُچَکـُک « ژوچُک » توار کت پــِشـُک ءَ که آهان ءَ مَـدَت بکنت . پشّـُک « ماشکا » گِپت کـُچَکـُک « ژوچُک » ءَ . ژوچـُـک گِـپـت نواسگ ءَ ، نواسگ گپت بلک ءَ ، بـَـلـّـُک گِـپـت پـیـرُک ءَ ،پیرُک گِپت شَلگُم ءَ ؛ هرچی زور اش جَت و کـَشّت اش ، گوتک اش نه کت .


« ماشکا » یین پشّــُک توار کت مـُشـْکـُک ءَ که آهان ءَ مَـدَت بکنت . مُشْکـَلـُک گِپت « ماشکا » یین پشّــُک ءَ « ماشکا » گِپت کـُچَکـُک « ژوچُک » ءَ . ژوچـُـک گِـپـت نواسگ ءَ ، نواسگ گپت بلک ءَ ، بـَـلـّـُک گِـپـت پـیـرُک ءَ ،پیرُک گِپت شَلگُم ءَ ؛ زور اش جَت و کـَشّت اش ، آهر ءَ گـُـوَتـْک اش شَلـْـگـُم ءَ و هوری ءَ گِـرَست و وارت اِش
!

مشرقی بلوچستانءَ إیرانی واکانءِ یک دگہ دستمانجییے

پاکستانءِ اردو زبان حالتاک نوائے وقتءَ شنگ بیتگیں نوکتریں حالےءِ ردا جیوانیءِ نزیکا ماں مکران زرءَ إیرانی واکاں یک پاکستانی کشتییے داشت و آئیءِ 9 کارمند دستگیر کت أنت۔ إے پاکستانی واکدار وتی کشتیا سوار و غیر قانونی ماھیگریءِ دیما دارگا گــَشتا بیتگ أنت کہ ردیا إیرانیانءِ نیمگا سر إش کپتگ۔

Sunday 1 November 2009

جندا۔۔۔ءِ جھدءِ سیت یا نقصان پہ کیا؟ چمشانک: ولید گربنی


16 مارچ 2006ءَ إیرانءِ بازیں فوجیاں ماں تاسوکی کشگا رند وھدے کہ أولسرا جندا...ءِ نام دیما آتک، گڈا وابیں سرکار مخالف إیرانی ٹولیاں گلے چت۔ پھک شوھازیگ بیت أنت کہ ھمے نیکاں در بہ گیج أنت۔ إے پڑا 'سلطنت طلب' شہ پھکاں پیسر جندا...ءِ درگیجگا سوبین بیت أنت۔ رسگا جندا...ءِ سروک عبدالمالک ریگی أش گوَرنباز کت۔ وتی حالجاہ و ٹلوژن چئنلاں توار إش کت و گوں آئی دراجکشیں گالگدار إش کت۔ ھمے درگتا بازیں بلوچ راجپھازاں أنگت زانت نہ کتگ أت کہ ریگی کئے إنت و شہ کجا دراتکگ۔

پدا هم، بلوچ یا غیر بلوچ پھک راضی بیت أنت کہ ماں بلوچستان إنچو سرکاری واکدار یکپارگی کشگ بیتگ أنت۔ شاھیاں عبدالمالک ریگی دل أڈی دات تانکہ دیمترا ھمے وڑا آوانءِ دشمناں یک یکـّا بہ کوش أنت۔ پمیشا أنگت سالے پر نہ گوستگ أت کہ 14 فروری 2007ءَ جندا...ءَ یک دگہ پُرسوبیں بیڑےءَ 18 پاسدار ماں زاھدان کشت أنت۔


زانگ ضروری إنت کہ شہ پیسری بیڑا دانکہ إیشی إیرانی واکاں ھم وتی دست پُشتا نہ بسته بیتگ أنت۔ آواں ھم بے حسابا بلوچ دستگیر، بندیگ و لٹ کٹ کت أنت۔ ھمیشانءِ نیاما بازیں کس إش درتک أنت۔ پدا ھم گشگ روا إنت کہ واکدارانءِ کتگیں کارکردانءِ تاوان إیوکاں بلوچاں دیست أنت، بلے پاسدارانءِ کشگا بازیں غیر بلوچ ھم گلا بال کت أنت۔

عبدالمالک ریگی أنگت نوری زادہ و صدایء أمریکاءِ زینت أت۔ ھمے نند نیادانءِ برکتا ریگی منـّينگ بوت کہ وتی ٹولیءِ ناما شہ جندا۔۔۔ بدل بہ کنت و 'جنبشءِ مقاومت مردمی إیران' بزاں 'إیرانءِ مردمانءِ مزاحمتی جنز' إیر بہ کنت۔ إے کارا چؤ منیں ھم شاد بیت أنت کہ شاید ھمے برکتا مذھبءِ بیمناکیں پوشاک شہ ریگیءِ گورا لکؤشگ بہ بیت۔


ھمے جَھکا بوست دیما روان إتنت کہ شہ چاہ بھارءِ نزیکا بازیں درامد لھتے شہ جندا۔۔۔ یاگییے باسکاں چکانپت أنت۔ إے مردماں چکانپگا رند گجرانءِ گوش مِکّ بیت أنت۔ آواں مار إت کہ جاور ھما وڑا کہ ودی أنت؛ سادہ نہ أنت۔ بلے عبدالمالک ریگیءِ بازیں وشگپیاں گجرانءِ دل تشے خرسند کت أنت۔ نین گجران نند و چارگی أت کہ بارین ریگیءِ دیمتری گام کجا نیمگا چست إبیت!


إیرانی واکاں روچے 3، دگرےءَ 6، پدا 12 و 13 بلوچ مچّ کناں و درنجاں کت۔ سرکاری واکدارانءِ مقصد جندا۔۔۔ کشتگیں غیر بلوچانءِ حسابا برابر کنگ یا باج برگ أت۔ ھمے نیاما زابلءِ نزیکا یک سنی مدرسوے ھم إیران واکان وتی بلڈوزرانءِ دپا دات۔ إیشیءِ سببا شہ کش گوَری ھند و ملکاں آتکگیں بازیں طالب بے مدرسہ بیت أنت و آواں وانینوکیں پاکستانی ملا بے روزگار بیت أنت۔


ھمے مدرسوا پرؤشگءِ کارکرد پہ بازیناں دردناک أت؛ خاص شیعواں کافر منـّوکیں سنـّیاں وھدے قرآنءِ تاک ماں خاکانءِ چیرا بار گرگا دیست أنت، گڈا جؤش گپت أنت۔ پہ إیشیءِ بیڑا گرگا عبدالمالک ریگیءَ وتی کسانسالیں برات گاڑییے شہ شوروا پر کت دات تانکہ بہ رئوت و پاسدارانءِ سراوانی نبجاها بہ تراکینیت۔ کسانسالیں عبدالغفورءَ ھنچؤش کت۔


عبدالغفور ریگیءِ جانفدا بیڑ بلوچستانءِ تھا تاریخءِ أولی جانفدا بیڑ أت۔ بلــّی تؤریں عبدالغفورءِ آریپیں پت شنگ کتگیں ویڈیو و عکساں ودی إنت کہ وتی چُکـّا شہ جانفدا بیڑا پیسر رکصت کنگا إنت، بلے وتی جگرءِ کپـّا آسءِ تھا تھلانک دیگ إنسانءِ اوپارا در إنت۔ پمیشا دیر نہ کوَست کہ غمانءِ آسا آ بریان بیت۔


شہ چاہ بھار چکـّانپگ بیتگیں غیر بلوچ پاکستانی واکاں رسگا پچگپت و سلامتیا إیرانءِ دستا دات أنت۔ إیشیءِ برکتا سرکاری و سرکار مخالف گجرانءِ دل إیمن بیت أنت۔ عبدالغفورءِ جانفدا بیڑ ھم پہ بازیں گجراں اوپارا أرز إت۔ ألبت، أمیرالمومنین شیعہ مسیتءِ سرا جانفدا بیڑ سبب جؤڑ بوت کہ ریگی و سلطنتی شہ یکـّا دگر دلرنج بہ بنت۔

بلــّی توریں أنگت بازیں مغربی ملکانءِ چیردستیں گجر میڈیا واھوک إنت کہ جندا۔۔۔ءِ کتگیں کارکردانءِ حالاں تالان کنوکیں أولی حالجاہ بہ بنت و ھر بیڑا پد شہ عبدالمالک ریگی 'توضیح طلب' بہ بنت، بلے گندوکیں چم و إشکنوکیں گوش سرپد أنت کہ گجر شہ ریگی نین دلرنج بیتگ أنت۔ ھمیشیءِ مزنتریں درور شہ رضا پھلویءِ نیمگا پیرا پیر بیان دیگ إنت۔ ھمے بیانا آئیا پیشنءِ جانفدا بیڑ إیرجتگ۔

راستے ما پھک إشکنگائیں کہ پہ ریگیءِ کمکا أمریکا، برطانیا و دگرانءِ نام گرگ بیگا أنت، بلے سرپدیں مردم زان أنت کہ شہ إیشاں یکـّے ھم یک کرانے عبدالمالک ریگیءَ نہ دات۔ عبدالمالک ریگیءَ أگر شیعہ دشمنیں ملا کمک کنگا به بنت، دگہ خبرے۔


چشیں وھدےءَ کہ ریگی إیوکا رنبینگ بیتگ، آ مجبور إنت کہ وتا جاھے بہ ڈکـّینیت۔ نوکیں جاھا گچین کنگءِ آسراتی ریگیءَ نیست إنت۔ پرچاکہ آئی شہ بُرزیں جاھےءَ لیٹگراں بیگءِ وڑا إنت۔ چشیں وھداں مردم گچین کت نہ کنت کہ کجا یکـّیں ڈوک، تلار، بنڈا یا شیرّا پہ وتی جلــّینگا دست بہ جنت؛ آئیا ھرچے کہ دستا کپت، دست ئی جنت۔


ھنـّوگیں حالتا أگر ریگی بہ کپیت، ملا و گجر ھر دوئیں ٹولی سیت کن أنت۔ نقصانا بلوچ راجپھازی جھد گندیت۔ بازیں کسانءِ خیالا ريگیءِ جُھدا یک نیمگےءَ بلوچستانءِ نام توار دنیاءِ دیما سرکتگ، بلے دومی نیمگا بلوچءِ ھستیں راجپھازی جنزءِ دیما مزنیں تلار اوشتارینتگ۔ ھنوگیں جاوراں ھستیں راجپھازیں گلاں إے تلارانءِ پرؤشگا سال گوَز أنت۔


ألبت، أگر ریگیءِ جند بہ لوٹیت، رسگا دیر إبنت۔ پمیشا نیک نیتیں بلوچانءِ واھگ إنت کہ عبدالمالک ریگی وتی سیاستا گوں مشرقی بلوچستانءِ سلاحبندیں راجپھازی جھدا ھمدپ بہ دات۔ منی وڑینان وا ھمے شئور داتگ أت کہ سلاحبندیں جھدا چٹا یلہ بہ دات، بلے من سرپداں کہ آ ھنچؤشیں جاھےءَ سر بیتگ کہ اودا سلاحان دئور دیگ وتکشی إبیت۔

مردانی دیم کئ داشت کنت؟

مشرقی بلوچستانءَ إیرانی پاسدارانءِ دستمانجی إیرجنگ بوت


بلوچستانءِ راجی زرمبشءَ ماں وتی بیانےءَ مشرقی بلوچستانءِ تھا إیرانی واکانءِ دستمانجی إیر جت۔ زرمبش لوٹ کت کہ مشرق و مغربی بلوچستانءِ سیاسی گل ھؤریا ناروائیانءِ دیما بہ اوشت أنت

مشرقی بلوچستانءَ 27 أکتوبرءَ 11 إیرانی پاسدارانءِ دستگیر بیگا رند راجی زرمبشءِ إے بیان شنگ کنگ بوت۔ یازدھیں پاسدار سوچَگی تیل لڈتگیں یک گاڑییےءِ رندا کپان مشرقی بلوچستانءَ پترتہ بیتگ أنت کہ اودءِ واکاں دستگیر کتگ أنت۔

بیانءِ تھا پدّر کنگ بیتگ کہ إیرانی واک بے پرواھیا میاں اُستمانی قانون و راھبندان پرؤشگا أنت، و ھمساھگیں ملکانءِ سیماں سرگوَز کنگا أنت۔

بیانا گشگ بیتگ کہ شہ إیشی ساری 22 آگستءَ ماں ماشکیل إیرانءِ فوجا راکٹگواری کتہ بیتگ۔ شہ آ راکٹانءِ نیاما یکـّے ماں لوگےءِ سرا کپتگ أت کہ آئی سببا سئے بلوچ جنیں آدم شھید و لھتے ٹپـّی بیتگ إتنت۔ إیشانءِ کشا بازیں لوگ و ملکت راکٹاں پرؤشتگ إتنت۔

زرمبشءِ خیالا إیرانی رژیم گوں إے وڑیں کارکرداں بلوچاں ترسینگ لوٹیت۔

ترانگ بہ کپ إت کہ ھمے سالءِ أولی بھرا وھدے ماں مشرقی بلوچستان پہ وتی سرڈگارءِ آزادیا جھد کنوکیں سئے گچینی بلوچ، میر غلام محمد، میر شیر محمد و لالا منیر بلوچ شھید کنگ بیتگ إتنت، گڈا پاکستانءِ تھی جاورانءِ وزیر رحمان ملکءَ ماں وتی حالتاکی بیانےءَ إیرانءِ دستءِ ھؤر بیگءِ نیمگا إشارہ کتگ أت۔ آئیا گشتگ أت کہ إے لیڈرانءِ کشگا إیران ھم واھؤک بیتگ۔

بلوچ سیاسی جھدکارانءِ گرگ، جنگ، بندگ و بیگواہ کنگا پاکستان و إیرانءِ ھؤرکاریءِ تاریخ دراجکشینے إنت۔ 1970ءِ دھرا ھم پہ مشرقی بلوچستانءِ راجپھازی جنزءِ پرؤش دیگا إیرانی کوبرا ھلی کاپٹر و دگہ ضروری جنگی آسراتی کارمرز بیتگ إتنت۔

بلوچستانءِ راجی زرمبشءَ وتی بیانا سرکچ داتگ کہ پاکستان بہ بیت، عراق، لبنان، سعودی عرب، یمن و یا دگہ خلیجی ملکے؛ إیرانی دستمانجی بے لگام ھرجاہ أنگت أنت۔ یک نیمگےءَ بگندئے إیران وتا أٹمی واکے جؤڑ کنگا تکانسر إنت و دومیا ھَئیا کِشیاں شہ سلاح پرکنان و پہ خرابکاریا دریں ملکاں دیم دیان إنت۔

زرمبشءَ زور پرداتگ کہ إیرانءِ نوکتریں کارکرد پدل چارگ و إیرجنگ بہ بیت۔ ألبت شہ پاکستانی سرکارا چدا گيئشتر اُمیدوار بیگ مفتینے إنت۔ پمیشا مشرقی بلوچستانءِ سیاسی تنظیم و راھدربر إے دستمانجنیءِ خلافا یکتوار بہ بنت۔ ألــمّا گوں یکـّا دگرءِ کمک و ھؤرکاریا بلوچ قوم وتی منزلءِ نیمگا زیتر روان إبیت۔

Saturday 31 October 2009

شہ مشرقی بلوچستانءِ ژوب ھندا 6 إیرانی مردم دستگیر بوت أنت

مشرقی بلوچستانءِ پٹان ھند ژوبءِ سرکاری واکاں شش إیرانی جمعهءَ دستگیر کت أنت۔ إے ششیں إیرانیاں مشرقی بلوچستانءَ روگءِ ھچ إجازت نامہ گوں نیست إنت۔ إیشاں دستگیر کنگا پد ھندی پولیس شہ آواں پؤلکاری کنگا إنت۔
ترانگ بہ کپ إت کہ ماں کوئٹہ نندارینگتيں إیرانی سفارتکارانءِ برکتا إیرانی واکدار و کارباری پٹانانءِ نیاما یک رشتگے جوڑینگ بیتگ کہ إیشیءِ ردا إیران مخالف بلوچ سیاستکارانءِ باروا پٹان پہ إیران چاریگی کن أنت و بدلا إیرانی سرکار پٹاناں ماں مغربی بلوچستانءَ کاربار کنگءِ شرّیں مؤہ دات۔
ھمے دوئیں نیمگی تعاونءِ برکتا إیرانی چاریگ تانکہ ژوب ھندا سر بیگا أنت۔ آدگہ دیما پٹان ماں پیشن وڑیں یکگوَرتِریں مغربی بلوچستانءِ ھندا گوں إیرانی پاسداراں ھم دیوان بیتگ أنت۔
دوئیں نیمگءِ نزیکیءِ مثال بُرزا داتگیں مردمانءِ دستگیری إنت کہ روچتاک توارءَ مرچی شنگ کتگ و 18 أکتوبر ماں پیشن جانفدا بیڑا 5 پٹانانءِ کشگ بیگ إنت کہ آوانءِ جسد ماں تفتان سیمسرا پاکستانی واکان دیگ بیتگ إتنت۔

بلوچی کتاب: دادشاه


ماں إے جنگا کہ إتپاک کپت، حاکم و آوانءِ مردماں مزنیں دلیرییے پیش داشت۔ لھتے شہ حاکماں؛ چؤش کہ مھیم میر لاشاری، کریم لاشاری، یوسف مبارکی، موسا مبارکی و لھتے ژاندرم ماں راہ کشگ بوت أنت۔۔۔


Thursday 29 October 2009

حزب مردمی تپاکیءِ دعوت نامہءِ سرا چمشانکے۔ ولید گربنی


حزب مردمی بلوچستانءَ یک پیشنھادی/تجویزی منشورے تالان کتگ و إیشیءِ سرحالا إنت "۔۔۔ پہ قومی و جمھوری واکانءِ تپاکیا پشنھادی منشور"۔


"حاکمیت ملی و آزادیھای دموکراتیک حق طبیعی مردم بلوچستان أست"۔ بزاں قومی حاکمی و جھموری آزادی بلوچستان مردمانءِ قدرتی حق إنت۔تبصرہ: إیشی نوکیں خبرے نہ إنت۔ چدا پیسرا باز براں حزب مردم و دگہ گلاں هنچوشین گپ جتگ۔ زرمبش و جبھہ متحدہ ھم ھمیشیءِ منـّوک أنت۔ حزب مردم ھم سرپد إنت کہ کرد، ترک، عرب، تامل، کشمیری، باسک و آیرش ھم پہ وتی قوماں ھنچوشیں گپ جن أنت۔


حزب مردمءِ بیانا کمال إدا إنت کہ حاکمیتءِ لوٹا کہ کنگا إنت، پدا وت سرکچ دیگا إنت کہ حاکمیت دو وڑین أنت۔ یکـے مشروعیت دموکراسی۔۔۔۔ و دگرے حاکمیت پہ زور نیزہ!بزاں حاکمیت ملیءِ جند بے پکار أنت۔ دموکراسی أصلی عنصر إنت کہ إیشیا درد وار جؤڑ کنت۔ ھمے خبر رئوت اودا سر بیت کہ حزب مردمءَ پہ زانت یا نادلگوشی بلوچ قوم/ملتءِ آزادی دومی درجہ داتگ و جمھوری رواج أعلاتر کتگ۔ (اُمید إنت کہ سبزیانءِ جمھموریت مہ بیت)۔


حزبءِ بیانا دیمترا سرکچ دیگ بیتگ کہ یک شریں گلے گوں گیشینتگیں لوٹاں بلوچستانءِ قومی حاکمیا پچگپت و دموکراسیا رواج دات کنت۔ ھمیشیءِ نہ بیگءِ سببا حزب مردم سیاسی تنظیم و بلوچستانءِ جھدکاراں یکجاہ بیگءِ دعوتا دات۔ ألبت ھؤر بیگءِ لھتے شرط حزب مردمیءِ بیانا إیر کنگ بیتگ أنت۔


- بلوچستان مردمانءِ قومی حاکمیتءَ منـّگ و وتی آیندہ فیصلوا میان اُستمانی قراربندانءِ ردا وت کت بہ کن أنت۔

تبصرہ: راستیں گپ إیش إنت کہ أمریکاءَ گوں وتی پاکستان و سعودی دروشمین سنگتاں میاں اُستمانی میثاق/قراربندانءِ دیم سیاہ کتگ۔ أگر چیزے پشت کپتگ ھم آوانءِ تھا کشمیری، فلسطینی، إیرلندی و باسک قومانءِ جیڑوانءِ حل بادے مرچی در نیاتکگ۔ و گوستگیں 6 سالاں رتکگیں بلوچءِ خون و میان اُستمانی قانونانءِ بے أثری سکین دی أنت کہ بلوچ وتی وھدا و واکا إیشانءِ چست إیرا زوال مہ کن أنت۔

اودا کہ حاکمیتءِ منـّگ بیگءِ گپ به بیت، گڈا إیشی اُستمانی گلا ساریا گيشینتگ و باز براں توضیح دیگ بیتگ۔ نیں إیشیءِ کوھن ترّتگ۔ رتکگیں بلوچانءِ خونانءِ رژنءِ دیما إے وڑیں گپ نیں تامور أنت۔ پمیشا حاکمت ملیّ مٹـّینگ و 'مالکیت ملی' بہ بیت۔ قول شھید أعظم نواب أکبر شھباز بگٹیءَ "ساحل و وسایل؛ ھرچے کہ زمینءِ سرا و چیرا ھست إیشیا بلوچانءِ میراث منـّگ ضروری إنت"۔

حاکمیت یک ھنچوشیں چیزے کہ مرچی نیست باندا ترا رسیت و أگر رس إت، پدا ھم واگ دگرے دستا بیت کنت؛ ھما وڑا کہ مرچی مشرقی بلوچستانءِ بلوچ حاکم أنت کہ إسلام آبادءِ چنگءِ ساز أنت۔


- إیرانی قومانءِ ھوریا پہ وشی و تپاکی نندگ قبول کنگ بہ بیتتبصرہ: بلوچءِ سرا چے زور أنت کہ آ إیرانی قومانءِ درداں سوکی بہ بیت؟ بلوچ شہ وتی درداں گریزی إنت۔ ھچ ضرورت نہ إنت کہ ما شرط إیر بہ کنیں کہ أگر إیرانی قومانءِ ھؤر بیگا بلوچے نہ منـّیت، گڈا گوں ما ھؤر بیت نہ کنت!

باید أت کہ إدا مشرقی و شمالی بلوچستانءِ بھرانءِ ھؤر بیگا یک قدرتی ضرورت قبول کنگءِ شرط ھؤر بہ بیتین أت۔ و گشگ بیتین أت کہ أگر کسے بلوچستانءِ سرجمیں ٹکراں بلوچ قومءِ میراث منـّوک نہ إنت، گڈا ھؤر بیت نہ کنت۔


- جدائی دین از دولت۔۔۔ دیناں بروبریا آزاد کنگءِ ضمانت دیگ۔تبصرہ: دینءَ شہ دولتءَ جدا کنگ شر إنت۔ ألبت وھدے کہ آزادیءِ ضمانتءِ گپ إبیت، گڈا پدا جیڑہ إنت۔ پمیشا دینءِ آزادی مشروط بہ بیت۔ شرط إیش إنت تاں آ وھدی کہ یک دینے گون آدگرا جنگ نہ وارت و دولتا تاوانبار نہ کنت، گڈا بروبر إنت۔ أگر نہ گڈا جـِن بوتلا بند کنگ بہ بیت۔


- جنیں آدمانءِ سرا زوراکیاں ولگوج کنگ و آواں گوں مرداں بروبریں حق دیگ۔

تبصرہ: بدیں گپے نہ إنت، بلے منی خیالا وھدے کہ گشیت 'تبعیض جنسی از زنان' إیشیءِ تھا 'زنان' ھؤر مہ بیت؛ إیوکا 'تبعیض جنسی' شر إنت۔ إے وڑا بگا و لِزبینانءِ جیڑہ ھم حل إنت۔


پنچمی پیش شرط ھچ ضرورت نہ إنت۔ إدا داتگیں خبرانءِ ردا أگر یک بلوچ گلے بہ گشیت کہ آ شہ 1979 رند آتکگیں تھرانیاں بلوچستانی نہ منـّیت، گڈا حزب مردم گشیت گوں ما گپ مہ کن! منی خیالا إیشی حزب مردمءِ ھردچاریا شون دات۔ و إشاروے إنت کہ "إستقلال طلب ناسیونالیست کور أنت" - بزان آزادی لوٹوک کوریں/کٹریں راجپھاز أنت کہ حزب مردمیانءِ ردا جاگہ إش نیست إنت۔


ھر مُدِرنیں سیاسی گل ششمی لوٹا داتگیں خبراں منــّوک إنت۔ پمیشا ماں پیش شرطاں إیشیا ھؤر کنگ وتا مزن پیشدارگءِ یک نزوریں توجیلے إنت۔ مرچی بلوچ دانا أنت؛ زانت کن أنت کہ کئے چنچو آپءِ تھا إنت۔


أگر قرار بہ بیت کہ یک گلے تپاکی یا ھؤر بیگءِ دعوتا بہ دات و وتی بن راھبندءِ خبراں پیش شرط إیر بہ کنت، گڈا إیشی یک گامے پیئش کنزگ و دوگام پدا روگءِ برابریا کنت۔ مردم کہ تپاکیا په دیمروی مزنیں عنصرے لیک أنت، گڈا آ أولا پیش شرط إیر نہ کن أنت۔ پہ آواں تپاکی شہ شرطاں مھم تر إبیت۔

مردم اُمید بہ کنت کہ دیمتری پیشنھادی منشورانءِ تھا بدلیءِ جاگہ مان کنگ بہ بیت۔ تانکہ سوبینیءِ اُمید گيئشتر بہ بنت۔


Thursday 22 October 2009

بلوچستــان ءِ پليـــں شهيـــدان ءَ هزاران ســــلام


شهيد عبدالواحد محمدی سراوانی ( شستونی ) بلوچستان ءِ شهيدانی کاروان ءِ ترپناکیں استار ءُ بلوچ کوم ءِ پهرآوریں پسـّــگ ماں بلوچستان ءِ کومی جهد ءِ تاريخ ءَ ابدماں بوت.


ايمانداريں سرمچارعبدالواحد گوں وتی ورنايی ءُ زندءِ فدا کنگ ءَ کامياب بوت تاں ايران ءِ واکداران ءُ سپاهيگاں ماں بلوچستان ءَ سريں پروش بکنت. .


شهيد عبدالواحد محمدی، شهيد عبدالغفورريگی ءُ شهيد عبدالخالق ملازهی ءِ پيم ءَ گوں وتی جان ءُ شيرکنيں زند ءِ ندر کنگ ءَ بلوچ دژمنيں واکداراں مزنيں تاوانے دات


انسان دشمنيں نورعلی شوشتری يکے چه سپاه ءِ فوجی ـ اقتصادی آهيریں سروکاں، پهره ءِ سپاه ءِ سروک، سربازءِ سپاه ءِ سروک، پاسدار محمدزاده بلوچستان ءِ سپاه ءِ مستريں سروک تهران ءِ فاشيستيں حکومت ءِ کته کار ءُ بلوچ کشيں رستراں ابدی جهندم ءَ راه ديگ بوتنت..


اے رستراں هنچو په مئی کوم ءِ وجود ءِ گارکنگ ءَ لانچتگ ات که روچے يک جاهـے ديوان کنگ اَتنت تاں گوں زور ءُ رپک ءُ پندل بلوچ کوم ءَ گيشتر ءُ زوتر تاوانبار بکننت.


پاسدار نور علی شوشتری مافیایی سپاه ءِ هونوارءُ کته کاریں سروکـے اَ ت که چه بنگیجی ءَ گوں سپاه ءَ هور بیتگ. اے مردم کشیں سپاهیگ هزاراں ورنا کشتگ ءُ کوشارینتگ ءُ هزاراں پت ءُ مات سوگیگ کتگ انت.


"مـِـرصاد" ءِ جنگ، بيست ءُ يکسال پيش ءَ شوشتری ءِ يک انسان دشمنين ءُ رستری درورے انت. شوشتری " مرصاد عملیات" ءِ سروکین کمانڈر اَت. په شوشتری ءِ دستور ءُ حکم ءَ گیش چه چار هزار ءُ پنچ سد (۴۵۰۰ ) جنگی بنديگ ءُ سرگردانیں ایرانی مجاهد ماں همدان ءِ نزیک ءَ کشگ ءُ ٹپی بوتنت


شوشتری ءِ انسان دژمنیں کارپد ماں تهران ءُ خراسان ءَ هم سک سیاه انت. اوداں هم آیی ءَ هزاران تبل چوره ءُ یتیم کناینتگ. هزاران سوگیگیں مات ءُ گهارانی زند ءَ تهار کتگ انت.


ماں مئی گلزمین ءَ رستریں شوشتری په مئی راجی پجـّـارءِ گار کنگ ءَ آتکگ اَت. شوشتری هما بلوچ دژمنیں سیاست ءِ دیما بروک اَت که ناوانندهیں رضا میر پنج ءُ قاتلیں امان الله جهانبانی ءُ کلپیں انگریزان بنگیج کتگ اَت. بے شمار انت بےگناهیں بلوچ که ڈنی فارس فاشيستاں کشتگ ءُ شهيد کرتگنت


مـُـرداریں شوشتری هورگوں آدگه مرتگیں سروکیں سپاهیگ ءُ اطلا عاتی (چاروگ) که درستاں غیربلوچ، بلوچ دژمنءُ ڈنییں فارس اتنت مئی کومی وجود ءِ دژمن اتنت.


آهاں په بلوچ راج ءِ گار ءُ گمسار کنگ ءَ "رجبعلی" ءُ " تقی نقی" ءَ زرتگ ءُ آورتگ اتنت تاں ماں پیشن ءُ سرباز ءَ آهانی لونڈیں سرگاں سرداریءِ پاگ ببند انت ! بلوچان وت ماں وت ءَ به میڑيننت ءُ چنت ردوارتگين ءُ بد نسيبيں ملکی ناسرپداں په جنگ ءَ گوں بلوچ سرمچاراں تيار به کننت.


بلئے شهيد عبدالواحد محمدی گوں وتی پاکيں ساه ءُ جان ءَ تهران ءِ شيطانی برنامه يان ءِ ديمپان بوت . آ مزاربيمیں سرمچار، سپاه پاسداران ءِ سستين ءُ پوستگيں وجود ءَ هنچو درهينت که آخوند خامنه ای ءُ احمدی نژاد ءُ لاريجانی ءُ رفسنجانی هم ماں تهران ءَ هم جکست انت...


هزاراں سلام ءُ دروت شهيد عبدالواحد محمدیءِ پاکيں روح ءَ


پروشت ءُ پروش بات ايران ءِ شيعی ـ فاشيستی حکومت


آزات ءُ آباد بات گنجيں بلوچستان


محمد کريم بلوچ


۲۸ مهرماه ۱۳۸۸ بريبر گون ۲۰ اکتبر ۲۰۰۹

Monday 19 October 2009

پاکيں پرودگارءِ نام ءَ ، اطلاعیه جنبش به زبان بلوچی


پاکيں پرودگارءِ نام ءَ



جنبش مردمی جندالله بلوچ کوم ءُ ايران ءِ ايردستيں مردماں حال دنت که مروچی ۲۶ مهرماه ۱۳۸۸ ءَ شهيد عبدالواحد محمدی سراوانی بازينـے چه بلوچ دژمنيں سپاه ءُ بسيج ءُ چاريگانءِ سروکاں مه سرباز ءَ کشت ءُ جهندم ءَ راه داتنت ءُ وت گوں وتی زند ءُ ساه ءِ فدا کنگ ءُ شهيد بوت


مه مروچيگيں پهرآوريں جانفدا هلگر ءَ لهتيں چه سپاه ءِ کلانيں سروک چوش که "نورعلي شوشتري جانشين فرمانده نيروي زميني سپاه پاسداران انقلاب و فرمانده قرارگاه قدس،‌ پاسدار محمدزاده فرمانده سپاه بلوچستان، فرمانده سپاه ايرانشهر و فرمانده سپاه سرباز و فرمانده تيپ اميرالمومنين" ءُ دگه بازيں بلوچ دژمنيں سپاهيگ، بسيجی ءُ چاروگ (اطلاعاتی) کشگ بوتنت.


اے جانفدا هلگر حکومت ءِ رستری کارکردانی يک پسوے ات. ايردستيں بلوچ کوم ءِ سدانی سد ورنا بيد هچ جرم ءُ گناهے پاهو ديگ بوتگنت. آهانی ايوکيں گناه ءُ ميار ايش انت که بلوچ انت ءُ سنی مذهب. همے سرباز ءِ ده ورنا ءَ گيش تهران ءِ حکومت ءِ جلادانی دست ءَ کشگ ءُ پاهو ديگ بوتگنت.


شهيد مولوی خلیل الله زارعی وشهيد حافظ صلاح الدین سیدی سربازءِ دو بيگناهيں عالم اتنت که پاهو ديگ بوتنت،دو دگه سربازی بلوچ ورنا شهيد طارق وشهيد اسد وفائی هم حکومتی جلادان ءِ دست ءَ کشگ بوتنت


رند چه مزاريں شهيد عبدالخالق ملازهی ءِ جانفدا هلگرءَ سئے مظلوم ءُ بيگناهيں بلوچ ورنا شهيدذبیح الله ناروئی ءُ شهيد حاجی نوتی زهیءُ شهيدغلام رسول شاهوزئی هم بيد هچ جرم ءُ گناهے ماں دزآپ (زاهدان) ءَ درنجگ بوتنت، رند چه دو هپتگ ءَ سينزده دگه بيگناهيں بلوچ ورنا بيد هچ محکمه ءُ دادگاهے ماں دزآپ ءِ بنديجاهءَ پاهو ديگ بوتنت


حکومت ءِ رستری کارکرد ماں بلوچستان ءَ چه حد ءَ گوستگ. بازيں مردمے ءِ دپ بستگ ءُ گٹ تروس انت، چه ترس ءَ وتی دل ءِ گپ کرت نکننت ءُ کس اے حکومت ءِ بلوچ دژمنيں کاراں انتقاد کت هم نکنت پر چا که منتقد وت گرگ ءُ کشگ بنت. پميشکا شهيد عبدالواحد ءِ مروچيگيں جانفدا هلگر بلوچاں گل ءُ شاداں کرت.بلوچستان ءِ مزاريں پسگ سرمچاريں شهيد عبدالواحد مروچی بلوچستانءِ شهيدانی سوگيگين ءُ اوپارکشوکيں پت ءُ مکهيں ماتاں مستاگے دات ءُ وت شهيد ءُ ابدماں بوت


ما يک رندے دگه سپاه ءُ بسيج ءُ آدگه حکومتی مردماں ماں بلوچستان ءَ گوشيں که وتی پلينڈی ءُ بلوچانی وت ماں وت میڑينگ ءَ بند بکننت. اگاں نه گڑا ترندتريں پسو ءِ وداريگ بنت.


سپاه ءِ مروچيگيں شيطانی ديوان ماں سرباز ءَ په بلوچانی جنگ ديگ ءُ قبيله ای جنگ بـُـن ديگ ءَ برجاه بوتگت ات. آ گوں بلوچانی وت مه وتی جنگان ءُ مئی کوم ءِ نزورکنگ ءَ لوٹنت وتی زالمين حاکمی دورءَ دراج کش بکننت. ما آهاں چشيں موه ندئيں تان چد ءُ گيشتر ماں مئی وطن ءَ کارهرابی بکننت


جنبش مردمی ءَ باز کوشست کتگ تاں جنگ ءُ هونريچی مبيت بلئے تهران ءِ حکومت وتی مردم کشی ءَ ماں بلوچستان ءَ ديما برتگ ءُ بيگناهيں بلوچاں وتی رستری کارکردانی آماچ کتگ .. اگاں اے رندا رستريں واکدار چه بيگناهيں بلوچاں ونده بگرنت گڑا ما هم آهانی پسو ءَ بلوچی وڑے ءَ دئيں آ بزاننت دگه اے مردم ءِ ترسينگ ءُ ايردست دارگ په آهانی وتی تاوان انت ءُ باز انت شهيد عبدالواحد پيميں بلوچ ورنا که سريں بستگ ءُ اوشتاتگ انت


اے کاميابيں جانفدا هلگر پيش داشت که تهران ءِ حکومت گوں دلير ءُ مزن اوپاريں مهلوکے ءَ ديم په ديم انت که په وتی کومی ءُ بنياتی حکانی پچ گرگ ءَ په وتی آزاتی ءُ عزت ءَ ماں جد ءُ جهد ءِ پڑا انت ءُ وتی شرکنيں زند ءُ زگريں هونانی ءِ فدا کنگ ءَ تيار انت. شهيد عبدالواحد محمدی سراوانی گوں وتی شهادت ءَ جار پرينت که تهران ءِ آخوندی حکومت سک نزور ءُ سست انت


گڈسرا چه ايران ءِ تماميں مهلوک ءُ ايردستيں راجاں لوٹيں تاں بلوچ مهلوک ءِ جد ءُ جهداں پشتداری ءُ همراهی بکننت ءُ حکومت ءِ انسان دژمنيں کارکردان ءُ " ولايت فقيه" ءِ زوراکياں ماں بلوچستان ءَ پاشک ءُ زاهر بکننت


جنبش مردمی جندالله

Thursday 15 October 2009

"تهران ءِ زالميں واکدارانی پندل ءُ "بلوچ سرداراں


تهران ءِ رستريں حاکم ءُ آهانی بلوچ کشيں سياسی ءُ فوجی مردم ماں بلوچ گلزمين ءَ هر وڑيں رپک ءُ پندل در گيجنت ءُ کارمرز کنگ انت تاں تلاهيں بلوچستان ءَ گيشتر وتی ناپاکيں پنجگانی چيرا بدارنت. آهاں په مئی ايردست دارگ ءُ لٹ کٹ ءَ "بلوچ سرداران" ءَ يکرندے دگه گلايگ ءُ ريپينگ انت.اگاں چے بلوچانی زانتکاری ءُ هزاراں سرپديں وانندهيں مردمانی جهدانی برکت ءَ " سرداری ءُ قبيله ای نظام" ماں بلوچستان ءَ گار بؤان انت بلئے اے بے دريں بلوچ دژمناں لوٹنت په زورانسری سرداری ءُ قبيله ای مـُرداريں نظام ءَ زندگ بدار انت. کار په اوداں سر بوتگ که ايشاں په وتی اے پدمنتگين ءُ شيطانی مکسداني پوره کنگ ءَ وت سردار ءُ کماش ناميننت.


ڈنی يں علی محمد چه کهگيلويه ءَ جهلاد بوتگ ءُ آتکگ حمل ءُ مير کمبر ءِ ملک ءُ اداں " سردار ءُ کماش" گچين کنت . هست انت چشيں رد وارتگ ءُ نامينتگيں "سردار ءُ کماش" که حکومت ءِ جند آهاں پاگے سر داتگ انت ءُ لوٹيت ايشاں سرپد ينءُ ذمه وارين ءُ جهدکاريں بلوچانی هلاپ ءَ به اوشتارينيت ءُ اے داب (پيم، وڑ) ءَ يکرندے دگه دوارسوچيں وت ماں وتی جنگ ءِ آس ءَ روک به کنت. ماں گوستگيں هپتگاں گنوکيں سليمانی ءُ ڈنی يں علی محمد آزاد ءُ سپاه ءِ مافيايی سروکاں گوں وتی کينگی کـِـرد ءُ پلينڈی گپاں اے بلوچ دژمنيں پندل ءَ زاهر کرتگ.اے انسان دژمنيں ڈنی حاکم وتی وس ءَ کنگ انت تاں مـُرتگيں " سرداری نظام" ءَ زندگ بکننت.


بلئے بلوچ مهلوک هنوں اے ڈنی يان ءِ کهنگين ءُ ريزتگيں رپک ءُ حيلتاں شر زانت ءُ آ مزاريں بلوچ کماش که سرداری ءِ لايق انت آ په وتی ماتيں سرزمين ءِ آزاتی ءَ په بلوچ ءِ حقانی گرگ ءَ ماں کومی جهدانی پـڑ انت

گنجيں بلوچستان ءِ نپت ءُ گيس


بلوچ دژمن ءُ ڈنی يں علی محمد آزاد مروچی مــنّ اِت که قاچاقي بنزين ءُ گازائيل چه ايران ءِ آدگه استاناں بزاں ولايتاں بلوچستان آرگ بنت ءُ پدا چه سيمسراں ڈن ءَ قاچاق بنت.


http://www.irna.ir/View/FullStory/?NewsId=729415&IdZone=41تپتان: اے پدر ءُ زاهريں گپے انت که بنزين ءُ گازائيل ءِ مستريں سوداگرزابلی يانءُ فارس ءِ وتی حکومتی مافيا انت. بلئـے بے بنياديں بهتاماں چوش که بنزين ءُ گازائيل ءِ سوداگری بلوچان اش جتگ ءُ هزاراں بيگناهيں بلوچ ءِ زند همے سوب ءَ زوال ءُ تاوانبار بوتگنت.حکومتی پليس ءُ سپاهيگ، بسيجی ءُ گنوکيں زابلی ياں سدانی سد بيگناه ءَ بيد جست ءُ پرس دستگرءُ بندی کرتگءُ کشتگ. اے انسان دژمنيں ڈنی ياں قاچاق ءِ بے بنياديں بهتامان ءُ تــَن تــَن (حتی) په شک ءُ شهبه ءِ نيمون ءَ چنت بيگناهيں بلوچ ءَ زندکا سوتکگ ءُ پيلشينتگ. مکاريں علی محمد آزاد که گوں ايران ءِ «شرکت نفت» ءِ کارمستر ءَ ماں دزآپ (ايرآپ ) ءَ ديوان کرته رندا گوں دولتی ميديا ءَ چوش پيش داشتگ که آهاں تهنا بنزين ءُ گازائيل ءِ قاچاق ءِ ديمدارگ ءُ مهن کنگ ءِ باروا گپ ءُ تراں کرت.


اے دز ءُ ڈنی يں مردک گوں رپک ءُ پندل چه دگنيا ءُ چه بلوچاں چير ديگ انت که گنجيں بلوچستان ءِ نپت ءُ گيس ءِ در کنگ ءُ پل ءُ پانچ، آ ديوان ءِ اصلی موضوع بوتگ.ايران ءِ «شرکت نفت» گوں استانداری ءِ همکاری ءَ وتی بلوچ دژمنين ءُ شيطانی يں برنامه ياں تيار کنگ انت تاں بلوچستان ءِ نپت ءُ گيس ءَ اشتاپ اشتاپ گوں هندی ءُ پنجاپی يانی شريک کنگ ءَ چه گنجيں بلوچستان ءَ در بکننت ءُ ماں ميان استمانی بازاران ءَ بها بکننت.


البت چينی ياں هم ماں اے بلوچ دژمنيں برنامه ياں هور انت. آهاں په چهبارءِ بندنءِ مدرن تر کنگ ءَ وتی تياری ءَ پيش داشتگ. درستيں بلوچان پوه ءُ سرپد بيگی انت که زرپرستيں ڈنی ياں بزان فارس ، هندی ، پنجاپی ءُ چينی ياں په مئی نپت ءُ گيس ءِ درکنگ ءُ دزگ ءَ لانچتگ.

اَے بلوچاں اتحاد پہ وشیں روچـــــاں اتحـــــــــــاد



اَے بلوچاں اتحاد پہ وشیں روچـــــاں اتحـــــــــــاد


زندگوازینگ نہ بیت ،مھتاجی ءُ چَمــــــــــــــداریءَ


وشدلیں باریگ نئیت پہ نندگ ءُ رھچــــــــــــــاری ءَ

گوانک جنت ساحر شما را درتگ پچیں پادشپـــــــــاد

اَے بلوچاں اتحاد پہ وشیں روچاں اتحــــــــــــــــاد

Monday 12 October 2009

سریاب روڈ کوئٹہءَ بلوچستان معدنءِ سَریں إنسپکٹر تیر جنگ؛ کشگ بوت۔ محمد أشرف نامیں إے أفسر وتی گارگسءِ دروازگءِ دپا تیرانءِ آماچ کنگ بوت۔ سک ٹـپـّییں حالا آئیا دیم پہ نادرھجاھا برگا إتنت کہ ساہ ئی دات۔ أنگت کشوک زانگ نہ بیگا أنت و پولیس آواں شوھازیگ إنت۔
إیشیءِ کشا 'جنگ آنلائن' شنگ بیتگیں یک دگہ حالےءَ داتگ کہ دوشی پسنیءَ دستی بمبے ألگچ کنگ بیگءِ سببا 6 کس ٹپـّی بیتگ أنت۔ ششیں کس پہ دوا درمانا کراچیءِ برگ بیتگ أنت و شہ إیشاں یک راجا نامینےءِ حال نگيگ إنت۔ ششیں جفا کش وتی کارا سرجم کنگا رند شام ورگا نشتہ بیتگ أنت کہ بمبءِ آماچ بیتگ أنت۔

Tuesday 22 September 2009

پاکستانیاں میر براھمدغ بگٹی ملکءِ بیمناکتریں ٹرورسٹ ظاھر کت


پاکستانی واکاں 83 مردمانءِ نام شنگ کت کہ 'ٹرورسٹ دستگٹیاں' ھؤر بیگءِ سببا اودءِ واکدار آواں لوٹوک أنت۔ إے مردمانءِ لڑا شہ پھکاں خطرناکتریں مردم بلوچ راھدربر میر براھمدغ بگٹی إنت کہ آئیءِ خلافا 31 'إف آئی آر' یا 'کئس' ثبت أنت۔


83ئیں ٹرورسٹانءِ نیاما 41 کس پنجابءِ نندوک، 21 سندءِ نندوک، 13 بلوچستانءِ نندوک و ٹرورسٹ أڈ کنوکیں دنیاءِ مزنتریں دمگ، بزاں سرحد پرگِنگا إیوکا 8 ٹرورسٹ ھنچوشیں ظاھر کنگ بیتگ أنت۔


ترانگ بہ کپ إت کہ گوَستگیں ھفتگا پاکستانءِ تھی جاورانءِ وزیر رحمان ملکءَ گشتگ أت کہ آ گوں میر براھمدغ گپ کنگءِ مقصدا أفغانستانءَ روگا ساڑی إنت۔ إیشیءِ سببا لھتے بلوچاں إشتاپ کت و میر براھمدغ بگٹیءِ نیتءِ سرا شک پیدا کنگءِ جھد بیت۔

Saturday 19 September 2009

عید مبارک


بلوچ دیھ پھکہ بلوچان وہ مسلمانان عید مبارک گوشیت۔
آزات بلوچستان زندگھ باتھ۔
شہ سرباز بلوچ

برفین کوه


برفین کوه


ھما بلوچ کہ ماں شمالی اروپا ءَ زندگی کننت گڑا زاننت برفین کوهءِ مطلب چی انت. ای ترمی لوژی ماں مختلفین پڑاں چوش کہ اقتصاد بزان اکونومی ، سیاست واستاتیک بزان آمار ءَ کار مرز بیت. اے ترمی لوژی مطلب اشنت کہ مردم برفین کوهءِ تیوکا سرظاھریں بھرءَ گندیت ، بلے ایی مسترین بهر بزان هشتاد در صدءَ نگندیت. بلے مطلب اے نہ انت کہ اے بهر نیست انت بلکین آپءِ چیرا انت


اسلام آباد وتهران مرچی چوش پولاتین "تایتانیک" ماں اتلانتیکءَ دیم په برفین کوه کہ اے دیما مک انت رواننت بے اش کہ کمین ترسے ببیت اش کہ اے برفین کوهءَ ٹکر وارت و ریسکی است که بہ پرشیت وچپیگ ببیت. پرچیا کہ آ چو تایتانیک ءِ معماران و دکترینان فکر کننت کہ چون اے ٹکرے برف اے پولاتین تایتانیکءَ پروشت کت کنت، بلے بے سما انت کہ آ یک عظیمین کوهےانت و ایوکا آییءِ سرانت کہ ظاهر انت. هر کسءَ کہ تایتانیک دیستگ گڑا زانت کہ چون پولاتین تایتانیکءَ گوں برفین کوهءَ ٹکر وارت و دو نیما بیت. وهدے تایتانیکءَ ظاهرا گوں کسانین برفین کوهءَ ٹکر وارت و دو نیما بیت گڑا آیان سما بیت کے پولاتین تایتانیک کمزورانت


مروچی اسلام آباد و تهران بلوچ سرزمین وتیگی کتگ و بلوچءِ مسئلهءَ چو ھما برفین کوهءَ گندگ ءَانت و گون وتی پولات جوڑ بیتگیں تایتانیکءَ دیم به آیی رواننت و چوش زانگ بیت که آیان پورھین و پکائین اراده کتگ که گون آ‏ئیا ٹکر بہ ورنت و آئیا په همیشه گار و گمسار بکننت. بلے زانگ بیت کہ آ زیت شموشکار بیتگنت و تاریخ دگہ چیزے گشیت


عزت مندین وانوکان بیا هوریگا اے دمگءِ راج دفترءِ نزیک ترین حادثه هان چارین ۔


وهدے پاکستان جوڑ بیت و بنگالیان وتی حقءِ رند گیری کت گڑا پاکستانءِ فوج چو پولاتین تایتانیک مان اتلانتیک دیم به بنگالءَ- که چو برفین کوهءَ تیوکا آیی سر ظاهرات - روان بیت و په همے مقصدءَ کہ گوں آئیا ٹکر بہ وارت و په همیشه آئیا چہ میدانءَ در بکنت. اے پڑا پاکستانءِ فوجءَ، بنگالی استیودنتانی سرا- کہ په وتی ماتی زبانءَ وانگ و نبیسگءِ حقءَ مچ بیتگ اتنت - تیر گواری کت و بازین چہ بنگالی استودینتاں شهید بیت انت و آ وھدی پاکستانی فوجیانی کرد گون بنگالیاں هما وڑا ات کے هیتلرءِ اس اس ار افیسران گون یهودیان کتگ ات، بلّی کہ بنگالی آ وهدا ھم پاکستانی باشنده و ھم مسلمان اتنت. بلے انگت پاکستانی پولاتین تایتانیک دیم په آ برفین کوهءَ برگ بیت واے پڑا لکهانی بنگالی شهید کنگ بیتنت و لکهانی جنینءِ ناموس ءِ سرا بیڑ برگ بیت. بلے انگت ھم پاکستانءِ پولاتین تایتانیک دیم به آ برفین کوهءَ روان ات. وهدے که پاکستانءِ پولاتین تایتانیک برفین کوهءَ نزیک بیت وگوں آئیءَ ٹکر دات گڑا سما اش بیت که صرف برفین کوهءِ سربیتگ که ایان دیستگت ۔ بلے نوں حبر چه هلوتءَ گوستگت و پاکستان پولاتین تایتانیک دو نیمءَ بیت و بنگلادیش یک وتواجهین راجے جوڑ بیت


هنوں ما گندگائیں که اسلام آباد و تهرانءِ پولاتین تایتانیک مان اتلانتیک دیم په ھما برفین کوهءَ که بزان بلوچ قوم انت روان انت و مقصد هم هما انت که بلوچ قومءَ چہ وتی بنداتی حق و حقوقان زبهر بکننت. مرچی ما گندگائیں که چون اسلام آباد و تهرانءِ واکدار بلوچانی بر حقین لوٹان غیر انسانی وڑا پسّو دینت ۔


برے سراوان انت، برے زاهدان انت, برے واش انت کے تهرانءِ رسترین فوجی بزان مرصاد ، بلوچانی لوگان مان بنت و گون هزار بے حرمت و بے احترامیا بلوچ وانندهان دست گیر و وتی سیاہ و تھارین بندیجاهان برنت. یا اسلام ابادءِ چاریگین اس آی اس انت کہ مان بلوچستانءِ کنڈ کنڈءَ چو ھونوار و ھڑکھی رسترءَ بلوچ حق لوٹیں جھدکارانی سرا بیڑ برانت و یا آھاں گرانت و بے گواه کننت. هنوں هزارانی بلوچ بے گواہ انت و کس نزانت کہ زندگ انت یا نہ ۔.


تمپءِ دردناکیں سانحہ شرّیءَ شون داریت کہ اسلام آبادءِ رودینتگین فوجءِ دلءَ چینچو نفرت بلوچانی خلافءَ ھست. آیانی قبضہ گیریں سیاستءِ سیتءَ نہ انت کہ بگدنت بلوچءِ چک، مزن و کسان پر ا منین وڑا مچ بیتگ انت تا کہ وتی شهیدانی یاتا زندگ بدارنت ۔پمیشا آیان ھمے پر امنین مچی سگّ ات کت نکت و مچیءِ سرا بیڑ برت ونوگلین مختار شهید و دهانی نفر دگہ ٹپیگ کتنت. تمپ اسلام اباد یا راولپنڈی نہ انت که اودان زندگیءِ سهولت موجود ببنت. ٹپیگین بلوچ په دوا و درمانءَ باید صدانی مایل دورتر برگ ببنت و نزیکترین منزل کراچی انت۔


راست انت کہ تمپ بے حد پشتءَ دارگ بیتگ بلے آئیا وتی پچار شرّیء َبرجاہ داشتگ۔ یک نمیگےءَ شاهی کلات و دگے نیمگےءَ شاهگانین نهنگ انت بلوچان سکین دنت که چہ آیان بی خیال مبنت.


اے ھم مند انت کہ شیر زالین ماتءَ شیر گلڑین بچ چوش کہ دکتر خالد کمبرءِ دروشمءَ رودینتگ، بانلیءِ درور انت؛ بر مهءِ اپوزوسیون لیدر سان سوچیءِ درور کریمه بلوچ رودینتگ. اے مند انت منڈیلائین غلام محمد رودینتگ . بلے همے مند چہ دنیاءِ درستین سهولتاں محروم انت ، ادان نه کتاب جاه است, نه نلی آپ است و نه گیس. بلے اے بلوچءِ گیس انت کے پنجاپءِ کنڈ کنڈءَ رسینگ بیتگ . بلے انگت ھم اے مند انت که بی مثالین جنک و بچ رودینیت و آیانا سبک دنت که اے ماتین وطن انت و پہ آییءِ حق ءَ ادا کنگءَ وتی جھدءَ سست مکننت ۔


ای کوهین برفءِ زیر آپین بهر انت کہ چوشین بچ و جنک پرورش دنت. اے کوهین برفے زیر اپین بهر انت که بلوچستانءِ گاندی بزان یعقوب مهرنهاد ای پرورش داتگ. اے یعقوب ات کہ گون وتی گاندی وڑیں سگّ و اوپارءَ شیعه ملاهانی رد وبندین قانونءِ تھا بلوچ قومءِ پجار ءِ گپّی جت. آییءِ مهر ات که اولیگین رندا بلوچستانءِ بنجاهی شهر بزان دزاپءَ بلوچی زیملی دیوانے برجم کت کہ بلوچ لجند واجه حاجی کمال هان بهر زرتگ ات. اے مهر ات کہ بلوچ ورناهی وتی انجمنءِ ساھگءَ مچ کتگ ا تنت. راست انت کہ اے تاسپیں جھدکار و دگہ هزاران بلوچ تنے وهدی اسلام آباد و تهرانءِ پولاتین تایتانیکءِ زدءَ آتکگنت و تایتانیک دیم به برفین کوها روان انت ۔.


اے اولیگین رند انت چہ مندءَ بگر تا کہ کوھلو، ڈیره بگٹی، پنجگور، کلات، خضدار، خاران، حب، تمپ ، تربت، مستونگ و کویٹه ءَ کہ آ برفءِ زیر آپین بهر گون وڑوڑین طریقهاں وتی همراهیءَ شون دیگ ءَ ا نت. دگہ نیمگےءَ ما یک پختگین سلاح بندین جهدےءَ شاهدیں ۔.


اے اولیگین رند انت کہ بلوچ قومءَ 50% چہ وتی ترادیشنلین ماحولءَ قدم ڈنءَ ایر کتگ و هنوں یک بے مٹین سیاسی کردے پیش کنگ ءَانت ۔


اے اولیگین رند انت کہ شهید غلام محمد ڈن چہ وتی لوگءَ، ڈن چہ وتی میتگءَ، ڈن چہ وتی دمگءَ، یک قومی لیڈرےءِ حیثیتءَ زانگ بیتگ بلکین سجهین بلوچستانءَ منگ بیتگ ۔.


تایتانیک دکترینان هر وڑین خطرانی پیش گویی کتگ و آ پیش گوئیانی مطابقءَ ھر نمونہ این رکاوٹ چہ آییءِ دیما دیر بیتگ و چے بین برگ بیتگ انت تا که آ دلجمیءَ وتی مقصدءَ سر ببیت . بلے دگے نیمگےءَ آ برفین کوهءِ دوئین بهران هم دست کٹءَ نکتگ بلکین فکر و طریقه چارتگ کہ تایتانیک معماران وتی مقصدءَ سر مبنت


بلے چوش کہ آییءِ گیشترین بهر آپءِ چیرا انت ، پمیشا تایتانیکءِ معمارانی چم آ مستریں بھرءَ میم نکننت و نمارنت.بلے تایتانیک چہ پولاتءَ جوڑ بیتگ و ماں سبزین ساوڑءَ اژناگ کنگ ءَانت و چہ آ برفین کوهءِ چیرین بهرءَ بے سما انت و همے فکر کنت کہ گون اولیگین ٹکرءَ آئیا چنڈ چنڈ کنت و هچ چمے آییءِ چونڈاں نہ گندیت. بلے راج دفتر چوش نگوشیت. ما گندیں دنیاءِ هچ امپراتوریءَ په زور غلام کتگین قومےءَ په همیشه وتی کالونی جوڑ کت نکتگ و آ قومان یک روچے غلامیءِ طوق و لوپ چہ وتی گردنءَ در کتگ، لهتے جاهءَ زیتر و لهتے جاهءَ دیرتر۔.


بلے خطرے کہ خاص آ برفین کوهءِ چیر آپین بهرءَ نزور و پروشیت آ تیوکا گوں پولاتین تایتانیکءَ بیت کت نکنت بلکین آییءِ وتی چیر آپین جنجال انت. چوش که بگوشین دنیاءِ آپ و هواءِ گرم بیگ. وهدے گرمین اپ برفین کوهءِ چیر آپین بهرءَ سر بیت گڑا آ باز طاقت نیاریت و آییءِ آپ بیگ بنگیج بیت انت و اگاں ماں چشیں وھد و ماحولےءِ تہا پولاتین تایتانیک وتءَ په برفین کوهءَ سر بکنت و آئیا ٹکر بدنت گڑا المءَ برفیں کوہءَ پروشیت ۔.


انچوش کہ ما برزا دیست کہ برفین کوهءِ خاص زیر آپین بهر هما وهدی گیشتر ناتوان ، کمزور و سست بیت کہ آ وتارا گو ں دنیاءِ بدلی و سدلیان همرد کت مکنت و دنیاءِ مختلفین اکتوران همے تاثرءَ دات مکنت کہ آ یک معتبرین اکتورے و زیر دئے کت کنت. آ وتی و دگرانی مفاد و سیتانی پاسپا نیا کت کنت ۔.


بیائین هوریگا بچارین و کوشست کنین و یک کسانین چم شانکے بلوچءِ برفین کوهءِ دوئین بهرانی سرا بدئین تاکہ بگندین و بچارین کہ آ تهران و اسلام آبادءِ پولاتین تایتانیکءِ ٹکرءَ پُجّیت


بیائین هوریگا بچارین کہ اے سلاح بندین جهد یک لوٹے کہ بلوچ بل اجبار، چہ وتی مجبوریءَ، بے وسیءَ، په وتی عزت، ننگ، ناموس،انسانی کرامت وپہ وتوا جہیءَ بنگیج کتگ ۔.


اے بلوچ ءِ لوٹ نہ انت کے کلانشیکوف دستءَ بگریت بلکین انچو کہ برزا گوشگ بیت آئیا په مجبوریا کلانشیکوف دستا گپتگ تاکہ اسلام اباد و تهرانءِ پولاتین تایتانیکءَ په مقصدا سر بیگا میلنت۔


بلے اگاں چوش انت، انچوش که برزا ذکر کنگ بیت دنیا همیشه مان بدلیانی تها انت و ماں اے بدلیان مختلفین اکتور کاینت و رونت. دنیاءَ نوکین نوکین اتحادی جوڑ بنت. زیگین دوست مرچیگین دژمن بنت و یا زیگین دژمن مرچیگین دوست بنت. بلے پرچیا زیگین دوست مرچیگین دژمن بنت. هر قومےءَ مفاد است،اے مفاد انت کہ زیگین دژمنءَ مرچیگین دوست کننت. گڑا مردم کدی اے کاران بکنت. اے کاران منی فکرا هما وهدا کنگ بنت کہ مردم چہ وتی سیت و مفادان سرپد ببیت. پرچیا کہ هرچ قومے وتی قومی مفاداں چہ آ دگہ سیت و کاراں دیماتر و عزیزتر زانت ۔


گونڈ بگوشان. سھرین رنگ، کلانشیکوف، لیلا خالد و چی گویرا ءِ هور کنگ و بلوچءِ جهدءَ گوں آھانی فکر و رھبندءَ بندوک کنگ آیا بلوچ قومءِ حقءَ انت؟ یا کہ آ تاریخءِ زیگین بهر انت و مرچی مارا نوکین اتحادی که مرچگین استرکچرءِ نمایندگیءَ کننت شوہاز کنگ لوٹیت ؟.


محمد زین الدینی - بی ان ام